Daawo Wasiirada Xukuumada Somaliland Oo Munaasibada Ciida hambalyo U diray Bulshada

0
Tuesday June 04, 2019 - 18:05:20 in Maqaallo by Abdikarim Saed Salah
  • (Rating 0.0/5 Stars) Total Votes: 0
  • 0 0
  • Share via Social Media

    Daawo Wasiirada Xukuumada Somaliland Oo Munaasibada Ciida hambalyo U diray Bulshada

    Hargeysa (Horseednews.com) Daawo Wasiirada Xukuumada Somaliland Oo Munaasibada Ciida hambalyo U diray Bulshada

    Share on Twitter Share on facebook Share on Digg Share on Stumbleupon Share on Delicious Share on Google Plus

Hargeysa (Horseednews.com) Daawo Wasiirada Xukuumada Somaliland Oo Munaasibada Ciida hambalyo U diray Bulshada


Madaxweynaha oo ay wehelinayeen xubno kamid ah golaha wasiirrada, taliyayaasha ciidamada kala duwan ee qaranka, maamulka gobolka, ayaa kumannaan kamid ah shacabka caasimadda ku dhaqan kula tukaday masjid Jaamaca weyn ee Hargeysa, waxana uu madaxweynuhu bulshada u jeediyey khudbad ballaadhan oo uu kaga hadlay xaalado kala duwan oo bulshada ku gedaaman.

Madaxweyne Muuse Biixi Cabdi waxa uu khudbaddiisa si gaar ah diiradda ugu saaray dhibaatooyinka bulshada dhexdeeda yaalla ee ay kamidka yihiin dagaallo-beeleeddada soo noqnoqda, shilalka gaadiidka iyo cunista qaadka oo mushkilad weyn ku ah horumarka nololeed ee bulshada iyo ta qarankaba, waxana uu uga digay inay ka waantoobaan dhibaatooyinkaas.

Madaxweynaha Jamhuuriyadda Somaliland, Mudane Muuse Biixi Cabdi, waxa uu bulshada xasuusiyey qiimaha ay nabaddu leedahay, isaga oo usoo jeediyey inay gacmaha isu qabsadaan sidii loosoo qaban lahaa, meelna looga soo wada jeesan lahaa cid kasta oo dil ula kac ah u geysata qof kale oo muslim ah, waxana isaga oo arrimahaas ka hadlaya uu yidhi, "Waxaynu isku dardaaraynaa oo naftu u baahan tahay waa nabad, nabadduna sidii Ilaahay yidhi waxa kow ka ah in qofka naf islaam ah ku dila gardarro iyo badheedh in dambiilaha lasoo qabto oo la isugu tago oo wixii Ilaahay xukunkiisa u qoondeeyey la mariyo, waxaynnu isku dardaaraynaa dhammaanteen in qofkii qof ku dila camdi iyo kibir inaynnu gacan kusoo wada qabanno oo wixii kitaabkaa Ilaahay inoo soo dejiyey uu ku xukumay aynnu marinno.”

Dhinaca, kale waxa uu madaxweynuhu bulshada ku adkeeyey inay xooggooda maalaan oo aanay cidna gacmaha hoos hoorsan, islamarkaana ay ku kalsoonaadaan cilmigooda, cududdooda iyo caqligooda, una diyaar garoobaan inay noloshooda gacmahooda ku daboolaan oo aanay cid kale ku tiirsanaanin.

Salaadda Ciidul-fidriga kaddib, waxa uu madaxweyne Muuse Biixi Cabdi xarunta qasriga madaxtooyada ku qaabilay qaybo kamid ah shacabka Jamhuuriyadda Somaliland oo isugu jira dhallinyaro, waayeel, haween iyo carruur, kuwaas oo uu munaasibadda ciidul-fidriga awgeed waqti la qaatay.

Wa-bilaahi Tawfiiq




Leave a comment

  Tip

  Tip

  Tip

  Tip

  Tip